मुगु । मुगुको छायाँनाथ रारामा पहिरो जाँदा १ जनाको मृत्यु भएको छ भने ८ बेपत्ता भएको छ । छायाँनाथ रारा नगरपालिकाको ठाउँ ठाउँमा बाढी पहिरोले क्षति गरेको छ। पहिरोमा परेर वडा नम्बर ८ मा १ जनाको मृत्यु भएको छ भने वडा नम्बर ११ मा ८ जना बेपत्ता भएका छन्। अहिले प्रहरी घटनास्थलतर्फ प्रस्थान गरेको छ।घटनास्थल पुग्न छोटो दूरीको बाटोमा बाढीका कारण अवरोध भएकाले वडा नम्बर ६ भएर प्रहरी घटनास्थल प्रस्थान गरेको छ।
प्रहरीका अनुसार छायाँनाथ रारा–१ मा ७ घर भत्केका छन्। गमगढीको तल्लो बजारमा २० देखि ३० घर जोखिममा छन्। वडा नम्बर २ मा १ घर, ३ मा घर, ४ मा ७ घरमा क्षति पुगेको छ। ७० घरधुरी जोखिममा छन्।छायाँनाथ रारा–७ मा ८ घर भत्केका छन् भने ३०–४० घर जोखिमा परेका छन्। १ जनाको मृत्यु भएको वडा नम्बर ८ मा पुरै गाउँ जोखिममा रहेको स्थानीयले बताएका छन्।
ए.के. सञ्चार । २४ आश्विन २०७९, सोमबार १२:५८