सुर्खेत । आज गण्डकी प्रदेशमा जारी नवौं राष्ट्रिय खेलकुद प्रतियोगिताको समापन हुँदैछ । राष्ट्रिय खेलकुद प्रतियोगिता पोखरा रंगशालामा आज विशेष समारोहबीच समापन गरिनेछ ।समापनमा समारोहमा प्रधानमन्त्री शेरबहादुर देउवाको उपस्थिति हुने आयोजकले जनाएको छ । राष्ट्रिय खेलकुद ‘एकताबद्ध देश, खेलकुदको सन्देश’ भन्ने नाराका साथ असोज २८ गते औपचारिक उद्घाटन भएको थियो ।
पोखरा रंगशालामा पुरुष फुटबल फाइनल खेलपछि ४ बजेबाट समापन समारोह सुरु हुनेछ । समारोहमा सहभागी टिमको मार्चपास, लाकार प्रकाश सपुत र मिलन नेवाको सांगीतिक प्रस्तुती पनि रहने आयोजकले जनाएको छ ।समापन समारोहमा दशौं संस्करणको राष्ट्रिय खेलकुद प्रतियोगिता आयोजक कर्णाली प्रदेशलाई झण्डा हस्तान्तरण गरिने छ । दशौं संस्करण २०८१ सालमा आयोजना हुने भएको छ ।
ए.के. सञ्चार । ३ कार्तिक २०७९, बिहीबार ०८:५६