हुम्ला । हुम्लामा हवाई सेवा दुई दिनदेखि अवरुद्ध भएको छ । बिहीबार बिहानदेखि चलेको हावाहुरीले हवाई सेवा अवरुद्ध भएको हो । नेपालगन्ज र सुर्खेतबाट नियमित उडान भर्ने निजी जहाजले हावाहुरीका कारण आफ्नो सेवा अवरुद्ध भएको जनाएका छन् ।
हुम्लालाई अन्तरजिल्ला जोड्ने हवाई सेवा भए पनि दुई दिनदेखि बन्द हुँदा नेपालगन्ज र सुर्खेतदेखि सिमकोट आउने यात्रुसहित कार्गो सामान आउन सकेको छैन । उडान नहुँदा जिल्ला बाहिर जाने यात्रु सिमकोटमै रोकिएका छन् ।
ए.के. सञ्चार । २२ पुष २०७९, शुक्रबार १९:११