रुकुम पश्चिम। निरन्तरको वर्षापछिको पहिरोका कारण रुकुम पश्चिममा विभिन्न संरचनामा क्षति पुगेको छ । त्रिवेणी गाउँपालिका–२, को आधारभूत स्वास्थ्य इकाइमा पनि पहिरो क्षति पुर्याएको छ । भवनका दुई झ्याल भत्काएर भवनभित्रै पहिरो पसेको स्थानीयले जानकारी दिएका छन् ।
![](https://aksanchar.com/wp-content/uploads/2024/03/surkhet-daigonestic.gif)
सानीभेरी गाउँपालिका–३ का खड्कबहादुर विकको घरमा पहिरोले पूर्णरुपमा क्षति पुर्याएको छ । घरमा मान्छे र पशुचौपाया नभएका कारण मानवीय क्षति भने हुन पाएन । घरका सम्पूर्ण सामग्री पूर्ण रुपमा क्षति भएका छन् ।
निरन्तरको वर्षापछि सानीभेरी नदीमा पानीको सतह बढेको छ । सानीभेरी गाउँपालिकाले नदीको बहाव बढेकाले सतर्क रहन आग्रह गरेको छ । सानीभेरी गाउँपालिका अध्यक्ष बिर्खबहादुर विष्टले नदी र खोलानालाको सतह धेरै माथि आएकाले सतर्क रहन आग्रह गरिएको जानकारी दिए । केही परिहाले गाउँपालिका पनि आवश्यक तयारीमा रहेको अध्यक्ष विष्टले बताए ।
ए.के. सञ्चार । २२ श्रावण २०७९, आईतवार १३:५८