सुर्खेत । कर्णाली प्रदेशका पत्रकारहरुले पत्रकार हत्या र मिडियामाथि भएको आक्रमणको विरोधमा प्रदर्शन गरेका छन्।
कर्णालीका १० जिल्लामा कार्यरत पत्रकारहरुले हातमा कालोपट्टी बाँधेर विरोध जनाएका हुन्।
नेपाल पत्रकार महासंघ कर्णाली प्रदेशका महासचिव खगेन्द्र भट्टराईका अनुसार, यो विरोध कार्यसूची केन्द्रीय समितिको परिपत्र अनुसार गरिएको बताए।
उनले भने,`पत्रकार सुरेश रजकको हत्या अत्यन्तै निन्दनीय घटना हो। यस घटनाका दोषीलाई कानुनी दायरामा ल्याउनुपर्छ।`
कर्णालीका विभिन्न जिल्लाहरुमा, जस्तै जाजरकोट, कालिकोट, र हुम्ला, पत्रकारहरुले यो विरोध जनाएका छन्।
महासंघका सुर्खेत शाखाका अध्यक्ष शुशीलराज शर्माले भने,`नेपालको संविधानले प्रेस स्वतन्त्रतालाई सुनिश्चित गरेको भएपनि, विभिन्न आन्दोलनका नाममा पत्रकारमाथि आक्रमण भइरहेको छ। यो अत्यन्तै निन्दनीय छ।`
पत्रकारहरुलाई लक्षित गरेर राजबादीको आक्रमणको विरोधमा यो प्रदर्शन गरिएको हो। कर्णालीका पत्रकारहरुले यस घटनाको विरोध जनाउँदै आफ्नो आवाज उठाएका छन्।
ए.के. सञ्चार । १६ चैत्र २०८१, आईतवार १६:५१