काठमाडौं । वरिष्ठ गायक शम्भु राई र गायिका मेलिना राईले युगल स्वरमा ‘झिल्के साडी’ बोलको गीत ल्याएका छन् ।
लोक शैलीमा तयार गीतमा शब्द तथा संगीत गायक राईकै समेटिएको छ । रिकेश गुरुङको संगीत संयोजन रहेको गीतको भिडियोमा भने नाजिर हुसेन र अनिता गोलेको अभिनय देख्न सकिन्छ ।
त्रिलोक लामा र राकेशको छायाँकन रहेको भिडियोमा अभि लामाको निर्देशन तथा कोरियोग्राफी रहेको छ ।
गायक शम्भु राईका यस अगाडि दर्जनौं सुपरहिट गीत आएका छन् । चिठ्ठी तिमीलाई, एनी हौ, आँखैमा झलझली जस्ता गीत धेरै चर्चित छन् ।
ए.के. सञ्चार । ८ आश्विन २०७८, शुक्रबार १४:५९