बझाङ । बझाङमा मोटरसाइकल दुर्घटना हुँदा दुईजना घाइते भएका छन्। बुंगल नगरपालिका– ६ झापाबाट वडा नम्बर ४ विजगडामा जाने क्रममा सु.प्र.प ०१–०१०– प७०९० नम्बरको मोटरसाइकल चिप्लिदा २ जना घाइते भएका हुन्।
घाइते हुनेमा बुंगल नगरपालिका–५ मिडीका २५ वर्षीय सुरेश कुँवर र बुंगल नगरपालिका–९ देउलीकोट की २६ वर्षीया गीता मल्ल रहेका छन्।
शुक्रबार दिउँसो २ः३० बजे झापाबाट विजगडा जाने क्रममा चिप्लेर घाइते भएका हुन्। घाइते सुरेश कुँवरको टाउको, मुख र हातमा चोट लागेकाले थप उपचारका लागि देउलेख लगिएको र मल्ललाई सामान्य चोट भएकाले विजगडामै उपचार भइरहेको जिल्ला प्रहरी कार्यालय बझाङका प्रमुख तथा डिएसपी ज्ञानबहादुर विष्टले बताए। घटनाबारे अनुसन्धान भइरहेको डिएसपी विष्टले जानकारी दिए।
ए.के. सञ्चार । ४ चैत्र २०७८, शुक्रबार १८:४२