सुर्खेत। जुम्लाको हिमा गाउँपालिकाको गाउँसभाले पालिकाको स्थायी केन्द्र बाजागाडमा तोकेको छ । गाउँपालिका अध्यक्ष लक्ष्मणबहादुर शाहीको अध्यक्षतामा बसेको १२औँ सभाले पालिकाको केन्द्र ५ नम्बर वडामा पर्ने बाजागाड बनाउने निर्णय गरेको हो ।
![](https://aksanchar.com/wp-content/uploads/2024/03/surkhet-daigonestic.gif)
सबैको सहमतिमा पालिकाको केन्द्र बाजागाड बनाउने निर्णय भएको गाउँपालिका अध्यक्ष लक्ष्मणबहादुर शाहीले बताए । उनले भने, ुहामी हिमा गाउँबासीको विकास र समृद्विको आकांक्षा पूरा गर्न सबैको पाएक पर्ने ठाउँमा कार्यालय तोकेका छौँ । यसअघिका जनप्रतिनिधिले पनि कार्यालय बाजागाडमा तोक्ने निर्णय गरेका थिए । तर, पछि विवाद भएपछि निर्णय कार्यान्वन रोकिएको थियो ।
हिमाले आर्थिक वर्ष ०७८–०७९ को बजेट, नीति तथा कार्यक्रममा शिक्षा, स्वास्थ्य, कृषि, खानेपानी, यातायात, सिँचाइ, पर्यटनजस्ता क्षेत्रहरूलाई मुख्य प्राथमिक्तामा राखेको छ । स्थानीय नागरिकलाई आत्मनिर्भर बनाउन लघु उद्यम, रोजगारी सिर्जना तथा अन्य आर्थिक उपार्जनका कार्यक्रमलाई प्राथमिकताका साथ सञ्चालन गर्ने योजना रहेको अध्यक्ष शाहीले बताए ।
ए.के. सञ्चार । १४ असार २०७९, मंगलवार १५:२६