सुर्खेत । सुर्खेत निर्वाचन क्षेत्र नम्बर २ प्रदेश सभा (ख) मा नेकपा (माओवादी केन्द्र) का केन्द्रीय सदस्य विन्दमान विष्ट विजयी भएका छन् । उनले नेकपा एमालेका ताराकेशर गौतमलाई ४ हजार ५७५ मतान्तरले पराजित गरेका हुन् । 
विष्टले १३ हजार ९०९ मत प्राप्त गरि विजयी भएका छन् । यस्तै एमालेका गौतमले ९ हजार ३३४ मत ल्याएर पराजित भएका हुन् । विजयी बिष्टकाे याे दोस्रो जित हो । उनी सुर्खेत जेलब्रेकका एक कमान्डर हुन् । यहाँ ३१ हजार ६८२ मत खसेको थियो ।
ए.के. सञ्चार । ८ मंसिर २०७९, बिहीबार १८:०५