सुर्खेत । कर्णाली राजमार्गमा हिमपात पछि पहिरो जाँदा सडक अवरुद्ध भएको छ । कर्णाली राजमार्गको जुम्ला सुर्खेत सडक खण्ड अन्तर्गत कालिकोटको तिलागुफा नगरपालिका–४ राचुलीस्थित हिमपात पछि पहिरो जादा सडक अवरुद्ध भएको कालिकोटका प्रहरी नायव उपरीक्षक जयश्वर रिमालले जानकारी दिएका छन् । बुधवार ११ः४५ बजे पहिरोले राजमार्ग अवरुद्ध भएको उनले बताए ।
उनका अनुसार जुम्लाबाट नेपालगन्जतर्फ जाँदै गरेको वाग्मती प्रदेश २९५८ नम्बरको मिनी बस गाडी पहिरोमा फसेको छ। नाग्मको प्रहरी टोलीले सडक खुलाउने प्रयास गरिरहेको रिमालले जनाकारी दिए ।
ए.के. सञ्चार । ११ माघ २०७९, बुधबार १५:०६