जुम्ला । जुम्लाको तातोपानी गाउँपालिका ५ रावतवाडामा मिनी ट्रक दुर्घटना हुँदा २ जना घाइते भएका छन् । सुर्खेतबाट जुम्ला सदरमुकामतर्फ जाँदै गरेको सरिया, सिमेन्ट र डिजेल ढुवानी गरी ल्याएको क.प्र.०२००१ ख.६२७ नम्बरको मिनी ट्रक अनियन्त्रित भई सडकबाट अन्दाजी १० मिटर तल खसेको कर्णाली प्रदेश प्रहरी कार्यालय सुर्खेतले जानकारी दिएको छ ।
दुर्घटना हुँदा ट्रकमा क्षति पुगेको उक्त ट्रकमा सवार ट्रकको गाडी साहु सुर्खेत बराहताल गाउँपालिका वडा नं. २ का ४३ वर्षीयका रामबहादुर चन्द र चालक ३१ वर्षीयका मीनबहादुर सुनार सामान्य घाइते भएका छन् ।
ट्रक घटना स्थलमानमै रहेको उक्त स्थानमा ट्राफिक प्रहरी सहित ४ जनाको प्रहरी टोली खटिएको प्रहरी कार्यालयले जनाएको छ ।
ए.के. सञ्चार । ९ फाल्गुन २०७९, मंगलवार ११:१३