सुर्खेत । वीरेन्द्रनगर नगरपालिका–७ ईत्राम खाेला नजिकै रहेकाे शिव सुुन्दर स–मिलमा भएको आगलागी करिब १ घन्टापछि नियन्त्रणमा आएको छ ।
जिल्ला प्रहरी कार्यालय सुर्खेतमा डीएसपी लक्षण शाहीले आगो नियन्त्रणमा आएको पुष्टि गरेका हुन् ।
उनले भने, ‘विद्युत् सर्ट भएका कारण आगो लागेको हुन सक्ने अनुमान गरेका छाैँ । अहिले आगाे नियन्त्रणमा आइसकेको छ । तर के कति क्षति भयाे भनेर मुचुल्का निकाल्ने काम भइरहेको छ । मानवीय क्षति भने केहि भएको छैन् ।,
बिहीबार बिहान ६ बजे भएको आगलागी नियन्त्रणमा लिन नेपाली सेना, नेपाल प्रहरी, सशस्त्र प्रहरी बलसहित ४ वटा दमकल आगाे नियन्त्रण लिइएको हाे ।
मिलमा भिषण आगलागि हुँदा करोडौंकाे क्षति भएको अनुमान गरिएको छ ।
ए.के. सञ्चार । २१ मंसिर २०८०, बिहीबार ०९:५५