काठमाडौँ । सरकारले प्रतिनिधि सभाको अधिवेशन अन्त्य गर्न सिफारिस गरेको छ । आज बिहान बसेको मन्त्रिपरिषद् बैठकले आज राति १२ बजेबाट अधिवेशन अन्त्य गर्न सिफारिस गर्ने निर्णय गरेको एक मन्त्रीले जानकारी दिए ।
अधिवेशन अन्त्य गर्नुअघि सरकारले सभामुख अग्निप्रसाद सापकोटासँग छलफल गरेको थियो । सभामुख सापकोटाका प्रेस विज्ञ श्रीधर न्यौपानेले जानकारी दिए ।
![](https://aksanchar.com/wp-content/uploads/2024/03/surkhet-daigonestic.gif)
‘सरकारका तर्फबाट प्रतिनिधि सभाको अन्त्य गर्नबारेमा परामर्श भएको थियो । सभामुखज्यूले विजनेश नभएकाले अन्त्य गर्दा हुन्छ भन्ने परामर्श दिनुभएको थियो,’ प्रेस विज्ञ न्यौपानेले भने ।
सर्वोच्च अदालतले दोस्रो पटक २८ असारमा प्रतिनिधि सभा पुनःस्थापना गर्ने परमादेश दिँदै तीन साउनमा अधिवेशन बोलाउन भनेको थियो । त्यही अधिवेशन सरकारले अन्त्य गर्न सिफारिस गरेको हो ।
ए.के. सञ्चार । ३२ श्रावण २०७८, सोमबार १५:५४