सुर्खेत । चिङ्गाड गाउँपालिका मटेलामा पक्राउ परेका युवकलाई जिल्ला प्रहरी कार्यालय सुर्खेत ल्याइएको छ। मंगलबार साँझ पक्राउ परेका युवकलाई आवश्यक थप अनुसन्धानका लागि जिल्ला प्रहरी कार्यालय सुर्खेतमा ल्याइएको हो ।
चिङ्गाडमा आयोजना गरेको भेलालाई सम्बोन्धन गर्ने क्रममा सो युवाले प्रचण्डलाई जुत्ताको माला लगाउन झोलाबाट निकाल्ने क्रममा मटेला प्रहरीले ति युवालाई नियन्त्रणमा लिएको थियो ।
जिल्ला प्रहरी कार्यालय सुर्खेतका अनुसार अमानविय व्यवहार गरेको भन्दै ती युवकलाई मटेला प्रहरीले नियन्त्रणमा लिएर ईलाका प्रहरी कार्यालय अवलचिंगमा राखिएको थियो। अमानविय व्यवहार गरेपछि पक्राउ परेका उक्त युवकलाई थप अनुसन्धानका लागि जिल्ला प्रहरी कार्यालय सुर्खेतमा बुधबार बिहान ल्याइएको प्रहरी जनाएकाे छ ।
प्रहरीले तथ्य कुरा लुकाउन खोजेपनि ‘प्रचण्ड’लाई जुत्ताको माला लगाउन कार्यक्रमस्थलमै रहेका ति युवा पूर्व माओवादी लडाकु रहेको खुलेको छ।
ए.के. सञ्चार । २३ कार्तिक २०७९, बुधबार १३:५१