काठमाडौं ।आज नेपाली सुनचाँदी बजारमा सुनको मुल्य तोलामा आठ सय रुपैयाँले घटेको छ । नेपाल सुनचाँदी व्यवसायी महासंघका अनुसार सोमबार छापावाल सुनको मुल्य तोलाको ९८ हजार दुई सय कायम भएको छ । आइतबार सुन तोलाको ९९ हजार रुपैयाँमा कारोबार भएको थियो ।
सोमबार तेजावी सुनको मुल्य तोलाको ९७ हजार सात सय रुपैयाँ निर्धारण भएको छ । चाँदीको मुल्य पनि प्रतितोलामा १० रुपैयाँले घटेको छ । आइतबार एक हजार तीन सय रुपैयाँमा कारोबार भएको चाँदी आज एक हजार दुई सय ९० रुपैयाँमा निर्धारण भएको छ ।
ए.के. सञ्चार । १९ बैशाख २०७९, सोमबार ११:०७