सुर्खेत । जुम्लाको पातारासी गाउँपालिका-६ वडीखोलीमा ट्याक्टर दुर्घटना हुँदा एक जनाको मृत्यु भएको छ भने ५ जना घाइते भएका छन् ।
कर्णाली प्रदेश ००२००१त ०४२७ नम्बरको ट्याक्टर दुर्घटना भएको जिल्ला प्रहरी कार्यालय जुम्लाका प्रहरी नायब उपरीक्षक प्रल्हाद कार्कीले जानकारी दिएका छन् ।
मृत्यु हुनेमा पातारासी-२ का अन्दाजी ५५ वर्षीय अमिर बोहोरा रहेको छन् । यस्तै, घाइते हुनेमा पातारासी-३ का २९ वर्षीय सुर बाेहाेरा, पातारासी-२ का १२ वर्षीय सरिता बोहोरा, ५० वर्षीय लोकबहादुर बोहोरा, ३० वर्षीय मायादेवी बोहोरा र ५० वर्षीय परेक बोहोरा रहेका छन् ।
जुम्लाको खलंगाबाट लासी बजार जाने क्रममा ट्याक्टर दुर्घटना भएको कार्कीले जनाएका छन् ।
ए.के. सञ्चार । ३ फाल्गुन २०७९, बुधबार २१:४३