रुकुम । रुकुम पश्चिमको त्रिवेणी गाउँपालिमा कांग्रेस र माओवादी केन्द्रका कार्यक्रताबीच झडप भएको छ ।
त्रिवेणी गाउँपालिमा वडा नम्बर ९ मा कांग्रेस र माओवादी केन्द्रका कार्यक्रताबीच झडप भएको हाे । कांग्रेस कार्यकर्ताले माओवादीका पोष्टर र झण्डा फालेपछि भएको विवादले झडप भएको हो ।
झडपका क्रममा कांग्रेसका तर्फबाट गाउँपालिका अध्यक्षका उम्मेदवार चढेको गाडीमा तोडफोड भएको छ । माओवादी कार्यकर्ताले आज बिहीबार बिहान उम्मेदवार अमरसिंह खड्का चढेको गाडि तोडफोड गरेको प्रहरीले जनाएको छ ।
खड्काले प्रयोग गरेको रा १ च १२६२ नम्बरको जिप तोडफोड भएको हो । दुई पक्षका कार्यकर्ताबीचको झडपको क्रममा गाडि तोडफोड भएको जिल्ला प्रहरी कार्यालय रुकुम पश्चिमका प्रमुख, प्रहरी नायब उपरीक्षक बिष्णुप्रसाद सोतीले जानकारी दिए ।
ए.के. सञ्चार । २२ बैशाख २०७९, बिहीबार ११:१२