काठमाडौं । भारतको बिहारस्थित एउटा भवनमा विष्फोट हुँदा ६ जनाको मृत्यु भएको छ भने ४ जना घाइते भएका छन् । आइतबार सारण जिल्लाको रियाज मियाँ नामका व्यक्तिको घरमा विष्फोट भएको थियो ।
सारण प्रहरीका एसपी सन्तोष कुमारले घटनामा ६ जनाको मृत्यु र ४ जना घाइते भएको पुष्टि गरेका छन् ।उक्त घरमा पटाका उत्पादन हुने गरेको स्थानीयले बताएका छन् । विष्फोटपछि घरमा आगलागी भएको थियो ।
ए.के. सञ्चार । ९ श्रावण २०७९, सोमबार ०९:१०