सुर्खेत । प्रदेश सरकारले बाल अधिकारको संरक्षण र प्रवद्र्धन गर्न महत्वपूर्ण काम गरेको कर्णालीका मुख्यमन्त्री जीवन बहादुर शाहीको भनाई छ । आज राष्ट्रिय बाल दिवसका अवसरमा २०७९ शुभकामना सन्देश जारी गर्दै मुख्यमन्त्री शाहीले “बैंक खाता छोरीको सुरक्षा जीवनभरीको” कार्यक्रम संचालन गरि बालअधिकार संरक्षणमा महत्वपूर्ण काम गरेको बताएका छन् । उनले प्रदेश सरकारले बालअधिकार संरक्षण, प्रवद्र्धनका लागि महत्वपूर्ण काम गरेको बताएका छन् । बैंक खाता छोरीको सुरक्षा जीवनभरीको कार्यक्रम मार्फत २० हजार छोरीहरु लाभाम्बित भएका र विद्यालय तथा समुदाय स्तरमा मनोसामाजिक परामर्स कार्यक्रम संचालन गरिएको उनले बताएका छन्
![](https://aksanchar.com/wp-content/uploads/2024/03/surkhet-daigonestic.gif)
विपन्न तथा जोखिममा रहेका बालबालिका सहयोग कार्यक्रम, सडक बालबालिका उद्दार तथा पुनस्थापना कार्यक्रम, विद्यालय नर्स कार्यक्रम संचालन गरिएको मुख्यमन्त्री शाहीले जारी गरेको शुभकामना सन्देश उल्लेख गरिएको छ । मुख्यमन्त्री शाहीले प्रदेश बाल अधिकार समिति गठन अन्तिम चरणमा पुगेको भन्दै प्रदेश सरकार बाल अधिकारको संरक्षणको लागि प्रतिवद्ध रहेको बताएका छन् ।
ए.के. सञ्चार । २९ भाद्र २०७९, बुधबार १४:३९