सुर्खेत । एमसिसि सदनबाट अनुमोदन भएको बिरोधमा सुर्खेत तनावग्रस्त बनेको छ । नेत्रविक्रम चन्द नेतृत्वको नेकपासहित ६ राजनीतिक दल र दुई मोर्चाले गरेको बन्दका क्रममा सुर्खेतमा झडप भएको छ । प्रहरी र बन्दकर्ताबीचको झडपले वीरेन्द्रनगरको मंगलगढी चोक तनावग्रस्त बनेको हो ।
स्थिति नियन्त्रणमा लिन प्रहरीले दुई दर्जनभन्दा बढी सेल अश्रुग्याससमेत हानेको जिल्ला प्रहरी कार्यालय सुर्खेतका प्रवक्ता एवम् डिएसपी रामप्रसाद घर्तीले जानकारी दिए । सुर्खेतका पिपिरा चोक, ऐरी चोक लगाएत मंगलगढि चोकमा बन्दकर्ताहरुले बिहानैदेखी सडकमा टायर बालेका छन् । प्रहरीले १० जनाभन्दा बढी प्रदर्शनकारीलाई नियन्त्रणमा लिएको छ ।
ए.के. सञ्चार । १६ फाल्गुन २०७८, सोमबार १९:००