सुर्खेत । वीरेन्द्रनगरमा लागूऔषध सहित एकजना लाई पक्राउ गरेकाे छ । बिहीबार १:३० बजे वीरेन्द्रनगर-४ कृष्णटाेल स्थित राताेपुलबाट लागुऔषध सहित पक्राउ गरेकाे हाे । 
लागु औषध (ब्राउन सुगर) को कारोवार भैरहेको छ भन्ने गोप्य सूचनाको आधारमा खटिएको प्रहरी टोलीले एकजना लाई पक्राउ गरेकाे हाे ।
जुम्ला लाम्रा गाउँपालिका-४ घर भई हाल सुर्खेत वीरेन्द्रनगर नगरपालिका-४ बस्ने वर्ष २२ का बिकास चौलागाईलाई प्रहरीले पक्राउ गरेको छ ।
शंकास्पद रुपमा हिडिरहेकाे अवस्थामा फेला पारी निजको शरीर खानतलासी गर्दा निजको साथबाट लागु औषध (ब्राउन सुगर) जस्तो देखिने धुलो पदार्थ फेलापारी बरामद गरिएको थियो ।
मान्यता प्राप्त तराजुमा नापतौल गर्दा प्लाष्टिक सहित ६० मिलीग्राम र प्लाष्टिक बाहेक ४० मिलीग्राम लागु औषध (ब्राउन सुगर) जस्तो देखिने धुलो पदार्थ बरामद गरी निजलाई नियन्त्रणमा लिई अनुसन्धान भैरहेको जनाइएको छ ।
ए.के. सञ्चार । ८ बैशाख २०७९, बिहीबार २१:२९