जुम्ला । जुम्लामा पहिरोमा परी दुई बालकको मृत्यु भएको छ भने एक जना घाइते भएका छन् । तीला गाउँपालिका –२ को डण्डेलीमा नयाँ घर निमार्णका लागि खनेको जगमाथिबाट सुख्खा पहिरो खसेको थियो ।
पहिलोमा परी वर्ष ३ का शिशिर बोहोरा र ३ वर्षकै हिमेश रावतको मृत्यु भएको जिल्ला प्रहरी कार्यलय जुम्लाका डिएसपी नरेन्द्र चन्दले जानकारी दिए । उनका अनुसार रण बहादुर बोहोराकी श्रीमती लक्ष्मी बोहोरा घाइते भएकी छन् । घाइते बोहोराको कर्णाली स्वास्थ्य विज्ञान प्रतिष्ठानमा उपचार भइरहेको छ भने मृतकको पोस्टमार्टमका लागि प्रतिष्ठान मै लगिएको छ ।
ए.के. सञ्चार । २२ बैशाख २०७९, बिहीबार ०७:१५