सिद्धार्थ बैंकको ऋणपत्रमा आवेदन खुला

  ।   १० असार २०७९, शुक्रबार १०:१०

सुर्खेत । सिद्धार्थ बैंकले आज ४ अर्ब रुपैयाँको ऋणपत्र निष्कासन गरेको छ । बैंकले प्रतिइकाई १ हजार रुपैयाँको दरमा ४० लाख इकाई ऋणपत्र जारी गरेको हो । यसमध्ये २४ लाख इकाई बैंकले आफ्नै पहलमा अन्य संघसंस्थालाई बिक्री गर्ने भएको छ । बाँकी १६ लाख इकाई सर्वसाधारणका लागि बिक्री खुला गरेको हो ।

योमध्ये ८० हजार कित्ता म्युचुअल फन्डलाई छुट्याएको छ । सिद्धार्थले १० वर्ष अवधिको ‘एसबीएल डिबेन्चर २०८९’ जारी गर्न लागेको हो । यसमा वार्षिक १०.७५५ ब्याजदर दिने बैंकले जानकारी दिएको छ । बिक्री प्रबन्धकको काम कुमारी क्यापिटलले गरेको छ । यस ऋणपत्रमा असार १४ गतेसम्म आवेदन दिन पाइनेछ । सो समयसम्म सबै ऋणपत्र बिक्री नभएमा भने असार २४ गतेसम्म खुला रहनेछ ।

न्यूनतम २५ इकाईदेखि अधिकतम १ लाख इकाईसम्म आवेदन दिन सकिनेछ । यसमा सी–आस्वा सदस्य बैंक तथा वित्तीय संस्था र मेरो सेयर सफ्टवेयरमार्फत अनलाइनबाट आवेदन दिन सकिनेछ ।

 

Next Post

लोकप्रियताका लागि विदेशिएकालाई मतदानको व्यवस्था मिलाउनुपर्ने माग अघि सारे–विष्णु रिजाल

१० असार २०७९, शुक्रबार १०:१०
सुर्खेत । कांग्रेस महामन्त्रीद्वय गगन थापा र विश्वप्रकाश शर्माले सस्तो लोकप्रियताका लागि विदेशमा रहेका नेपालीलाई मतदानको व्यवस्था मिलाउनुपर्ने माग अघि सारेको एमाले नेता विष्णु रिजालले आरोप लगाएका छन् । आज समाजिक सञ्जाल मार्फत आफ्नो धारणा राख्दै उनले आफ्नो पार्टीको मतदान हिलटेक ट्यांकीमा गरेर एक महिनामा मतगणना गर्ने दलले बिनाकानून यस्तो […]