सुर्खेत । जुम्लामा आमाको हत्या गरेको आरोपमा छोरी पक्राउ परेकी छन् । पातारासी गाउँपालिका-३ छुमकी ५५ वर्षीया सुवा महतराको हत्याकाे आराेपमा छाेरी प्रकाउ परेकी हुन् ।
शनिबार पातारासी गाउँपालिका-१ गडिगाउँ घर भई माइतीघर आएकी २५ वर्षीया हाँसु ऐडीलाई पक्राउ गरेको प्रहरी नायव उपरीक्षक छेदिलाल कामतीले जानकारी दिए ।
छाेरीले मुसलले आमाकाे टाउकोमा हान्दा मृत्यु भएको उपरीक्षक कामतीले बताए ।
उनले भने,` छाेरीकाे मानसिक सन्तुलन ठिक नभएको हुँदा घटना घटेको हुन् सक्छ । उनलाई प्रकाउ गरेका छाैँ । स्वास्थ जाँच गरेर मानसिक अवस्था के कस्तो छ ? डाक्टरको रिपोर्ट अनुसार कार्वाही गर्छाैं । यस सम्बन्धमा प्रहरीले थप आवश्यक अनुसन्धान गरिरहेको छ ।`
ए.के. सञ्चार । १६ बैशाख २०८१, आईतवार १६:३७