सुर्खेत । कालिकोटको तिलागुफा नगरपालिका–४ को वडा अध्यक्ष पदमा आइतबार भएको मतदानको नतिजा सार्वजनिक भएको छ।
जिल्ला निर्वाचन कार्यालयका निमित्त जिल्ला निर्वाचन अधिकृत धनबहादुर मल्लका अनुसार नेपाल मजदुर किसान पार्टीका उम्मेदवार खड्कराज शाही १४३ मतसहित विजयी भएका छन्।
माओवादी केन्द्रकी उम्मेदवार नैस्वभा शाहीले ११५ मत प्राप्त गरिन्। नेकपा एमालेका ऐनबहादुर शाहीले ७८ मत पाउँदा नेपाली कांग्रेसका पैलनबहादुर शाही ४९ मतमा सीमित भए।
राष्ट्रिय प्रजातन्त्र पार्टी (राप्रपा) का उम्मेदवार गोगन शाही र राष्ट्रिय स्वतन्त्र पार्टी (रास्वपा) का उम्मेदवार गगन बमले समान ५ मत प्राप्त गरेका छन्।
ए.के. सञ्चार । १६ मंसिर २०८१, आईतवार २०:१५