कालीकोटमा प्रतिनिधिसभा सदस्य निर्वाचनअन्तर्गत केही स्थानीय तहको मतगणना सम्पन्न भएको छ। पलाँता, पचालझरना र नरहरिनाथ गाउँपालिका तथा तिलागुफा नगरपालिकाको मतगणना सकिँदा नेकपाका उम्मेदवार महेन्द्रबहादुर शाही अग्रस्थानमा देखिएका छन्।
हालसम्मको मत परिणामअनुसार शाहीले ५ हजार ५२१ मत प्राप्त गरेका छन्। उनलाई नेकपा (एमाले)का उम्मेदवार नगिन्द्र शाहीले ४ हजार १५७ मतसहित पछ्याइरहेका छन्।
त्यसैगरी नेपाली कांग्रेसका उम्मेदवार हर्षबहादुर बमले ३ हजार ९९८ मत प्राप्त गरेका छन्।
अन्य उम्मेदवारतर्फ नेकपा (माओवादी)का खड्गबहादुर विश्वकर्माले २ हजार २९९ मत प्राप्त गरेका छन् भने राष्ट्रिय स्वतन्त्र पार्टीका प्रकाश न्यौपानेले १ हजार १९ मत पाएका छन्।
चार स्थानीय तहको मतगणना सकिँदासम्म प्रमुख दलका उम्मेदवारबीच प्रतिस्पर्धा देखिएको छ। बाँकी क्षेत्रको मतगणना जारी रहेकाले अन्तिम परिणामले प्रतिस्पर्धाको अवस्था अझ स्पष्ट हुने देखिएको छ।
