काठमाडौं ।नेपाली कांग्रेसका महामन्त्री गगनकुमार थापाले काठमाडौं महानगरपालिको प्रमुख आफ्नो मान्छे नहुँदा निकै पीडा भोगेको बताएका छन् । काठमाडौं जिल्लाबाट निर्वाचित थुप्रै कांग्रेस सांसद्हरूले काठमाडौं महानगरमा नेपाली कांग्रेसको प्रमुख नहुँदा निकै पीडा भोगेको बताए ।
काठमाडौंमा धेरै सांसद् भएर पनि काम गर्न नसकेको बताए । उनले काठमाडौं महानगरपालिकाको मेयर आफुहरुको मान्छे भएको भए पाँच वर्षमा धेरै काम गर्न सकिने जिकिर गरेका छन् । उनले काठमाडौं महानगरपालिकाको मेयरमा सिर्जना सिंहलाई अत्यधिक मतले निर्वाचित गराउन अनुरोध गरेका छन् । सिर्जना सिंहबाट कुनै चमत्कार नेदख्न अनुरोध गर्दै अघिल्लो पटक सूर्यमा भोट हालेका मतदातालाई समेत यसपटक सिर्जना सिंहलाई मतदान गर्न अपिल गरे । आफू पाँच वर्षमा स–साना काम गर्न नपाएर छट्पटाएको मान्छे भएको भन्दै थापाले महानगरसँग सहकार्य गरेर स–साना काम गर्न आतुर रहेको बताए ।
ए.के. सञ्चार । १५ बैशाख २०७९, बिहीबार १३:४९