काठमाडौं । आज नेपाली राष्ट्रिय क्रिकेट टिमले पाहुना टोली जिम्बावे ए विरुद्ध प्रतिस्पर्धा गर्दैछ ।नेपालले तेस्रो टी–ट्वान्टी अन्तर्गत आज जिम्बावे ए विरुद्ध खेल्न लागेको हो । टियु क्रिकेट मैदानमा हुने नेपाल र जिम्बावे ए बीचको खेल दिउँसो १ बजे सुरु हुनेछ ।
आइतबार भएको पहिलो खेलमा जिम्बावेसँग नेपाल ६ विकेटले पराजित भएको थियो ।जिम्बावे भने नेपालविरुद्ध दोस्रो जित निकाल्न चाहन्छ ।नेपाल र जिम्बावेबीचको दोस्रो टी–ट्वान्टी भने वर्षाले रद्द भएको थियो । आईसीसी पुरुष क्रिकेट विश्वकप लिग टु अन्तर्गत अमेरिकामा हुने त्रिकोणात्मक एकदिवसीय सिरिजको तयारीमा स्वरूप नेपालले जिम्बावे ए सँग सिरिज खेलिरहेको हो। टी–ट्वान्टी सिरिजपछि नेपालले तीन खेलको एकदिवसीय सिरिज खेल्नेछ ।
ए.के. सञ्चार । २१ बैशाख २०७९, बुधबार ०६:३४