काठमाडौं । तारा एयरको विमान दुर्घटनाले फेरि पनि हवाईयात्राको सुरक्षाबारे प्रश्न खडा भएको राप्रपा नेपालका अध्यक्ष कमल थापाको भनाई छ । आज सामाजिक सञ्जाल मार्फत आफ्नो धारणा राख्दै अध्यक्ष थापाले यसबारे सरकार र सम्बद्ध पक्षले गम्भीर ध्यान दिनु आवश्यक भएको समेत बताएका छन् ।उनले तारा एयर दुर्घटनामा निधन भएकाहरूको दिवंगत आत्माहरूको चीर शान्तिको कामना समेत गरेका छन् ।
अध्यक्ष थापाले सामाजिक सञ्जाल लेखेका छन्, ‘तारा एयरको विमान दुर्घटनाले फेरि पनि हवाइ यात्राको सुरक्षाबारे प्रश्न खडा भएको छ । यसबारे सरकार र सम्बद्ध पक्षले गम्भीर ध्यान दिनु आवश्यक छ ।’
आइतवार बिहान जोमसोम जाँदै गरेको तारा एयरको विमान सम्पर्कविहिन भएको थियो । नेपाली सेना लगायतको सुरक्षा टोलीले सोमवार बिहान मुस्ताङको थासाङ गाउँपालिका–२ सानोसरेमा विमान दुर्घटनाग्रस्त अवस्थामा फेला फेला पारेको थियो ।दुर्घटनामा विमानमा रहेका सबै यात्रु तथा चालक दलका सदस्यहरूको मृत्यु भएको छ ।
ए.के. सञ्चार । १७ जेष्ठ २०७९, मंगलवार ०८:२४