सभामुख अग्निप्रसाद सापकोटा, उनको स्वकीय सचिवालय र सुरक्षामा खटिएका सुरक्षाकर्मी सबैमा कोरोना परीक्षणको रिपोर्ट नेगेटिभ आएको छ ।
सभामुख सापकोटाको स्कर्टिङमा रहेको सवारी साधनमा खटिएका एक सुरक्षाकर्मीमा कोरोना पोजेटिभ देखिएपछि स्वास्थ्य प्रोटोकलअनुसार शुक्रबार सभामुख सापकोटासहित स्वकीय सचिवालयका कर्मचारी र सुरक्षाकर्मीको स्वाब संकलन गरी पीसीआर विधिबाट परीक्षण गरिएको थियो ।
राष्ट्रिय जनस्वास्थ्य प्रयोगशालालबाट गएराति अबेर प्राप्त रिपोर्ट सबैको नेगेटिभ रहेको सभामुख सापकोटाका प्रेस सल्लाहकार श्रीधर न्यौपानेले जानकारी दिए ।
ए.के. सञ्चार । १८ श्रावण २०७७, आईतवार १३:११